Home
ગુજરાત
Gujarat Weather: વરસાદ સાથે થશે એપ્રિલની શરૂઆત! હવામાન વિભાગની બીજી એપ્રિલે 20 જિલ્લામાં વરસાદની આગાહી

Gujarat Weather: વરસાદ સાથે થશે એપ્રિલની શરૂઆત! હવામાન વિભાગની બીજી એપ્રિલે 20 જિલ્લામાં વરસાદની આગાહી

08:36 PM March 29, 2025 Gujju News Channel

Gujarat Weather Update: હવામાન વિભાગ દ્વારા આગામી પાંચ દિવસ દરમિયાન રાજ્યમાં વરસાદની સંભાવના વ્યક્ત કરવામાં આવી છે.

Gujarat Weather Update: હવામાન વિભાગ દ્વારા આગામી પાંચ દિવસ દરમિયાન રાજ્યમાં વરસાદની સંભાવના વ્યક્ત કરવામાં આવી છે. તારીખ 31 માર્ચથી 3 એપ્રિલ સુધી રાજ્યના વિવિધ ભાગોમાં વરસાદની સંભાવના છે. તેથી કહી શકાય કે, એપ્રિલ મહિનાની શરૂઆત વરસાદ સાથે થવાની છે.

હવામાન વિભાગના જણાવ્યા પ્રમાણે, 31 માર્ચના રોજ નર્મદા અને તાપી જિલ્લામાં છુટાછવાયા સ્થળોએ હળવા વરસાદની સંભાવના છે. હવામાન વિભાગના જણાવ્યા પ્રમાણે, 1 એપ્રિલના રોજ છોટા ઉદેપુર, નર્મદા, તાપી, સુરત, નવસારી, ડાંગ, વલસાડ, ભાવનગર, અમરેલી અને દમણ અને દાદરા અને નગર હવેલીમાં છુટાછવાયા સ્થળોએ ગાજવીજ સાથે હળવાથી મધ્યમ વરસાદની સંભાવના છે.

હવામાન વિભાગના જણાવ્યા પ્રમાણે, 2 એપ્રિલના રોજ સાબરકાંઠા, અરવલ્લી, મહીસાગર, ખેડા, આણંદ, પંચમહાલ, દાહોદ, વડોદરા, ભરૂચ, છોટા ઉદેપુર, નર્મદા, તાપી, સુરત, નવસારી, ડાંગ, વલસાડ, ભાવનગર, અમરેલી, બોટાદ, ગીર સોમનાથ અને દમણ અને દાદરા અને નગર હવેલીમાં છુટાછવાયા સ્થળોએ ગાજવીજ સાથે હળવાથી મધ્યમ વરસાદની સંભાવના છે.